13.12.2025 | 22:20
Ֆրանսիան հաղթեց «Մանկական Եվրատեսիլ»-ում
ՌԴ-ում դեռ չեն հաստատում Պուտինի՝ Հայաստան այցի մասին տեղեկությունը
Քաղաքականություն
08.09.2022 | 16:07
ՌԴ նախագահի օգնական Յուրի Ուշակովը դեռ չի հաստատել տեղեկությունը, ըստ որի՝ Վլադիմիր Պուտինի այցը Հայաստան կարող է տեղի ունենալ առաջիկա ամիսներին։ «Ես որևէ հաստատում չունեմ դրա մասին։ Մեր կողմը պաշտոնապես այդ մասին չի խոսել»,-ՏԱՍՍ-ի փոխանցմամբ՝ լրագրողների հետ ճեպազրույցում ասել է Ուշակովը։ Միաժամանակ, նա հիշեցրել է, որ Պուտինը «շատ ակտիվ շփումներ ունի» Հայաստանի վարչապետ Նիկոլ Փաշինյանի հետ։ Այս տարի արդեն մի քանի անձնական հանդիպումներ են տեղի ունեցել, պարբերաբար հեռախոսազրույցներ են անցկացվում։
«Իմ կարծիքով, եթե համեմատենք այլ առաջնորդների հետ, հավանաբար, ամենից շատ Պուտինը հեռախոսով խոսել է և այս տարի և նախորդ տարի, հենց պարոն Փաշինյանի հետ»,-ասել է Ուշակովը։ Հավելենք, որ նոյեմբերին Երևանում անցկացվելու է ՀԱՊԿ գագաթնաժողովը։
Պուտինի Հայաստան սպասվող այցի մասին հիշատակել էր ՀՀ ԱԳՆ-ն ՝ սեպտեմբերի 5-ին Մոսկվայում կայացած Լավրով-Միրզոյան հանդիպման արդյունքներին առնչվող հաղորդագրության մեջ։
Էմմա Չոբանյան
