16.09.2026 | 16:20
Կոսովոյի նախկին նախագահ Հաշիմ Թաչին ռազմական հանցագործությունների համար դատապարտվել է 25 տարվա ազատազրկման
Ուկրաինան Խարկովի մարզի մի քանի բնակավայր է վերադարձրել իր վերահսկողության տակ․ Զելենսկի
Քաղաքականություն
08.09.2022 | 18:39
Ուկրաինայի նախագահ Վլադիմիր Զելենսկին լավ լուր է հայտնել Խարկովի մարզից, որտեղ, նրա խոսքով, ուկրաինական ուժերին հաջողվել է ռուսական ուժերից հետ գրավել մի քանի բնակավայրեր։ Զելենսկին նաև հայտարարել է, որ ուկրաինական հրետանին հաջող հարվածներ է հասցրել Ուկրաինայի հարավում ռուսական ուժերի ուղղությամբ, գրում է VOA-ն։
Մեծ Բրիտանիայի Պաշտպանության նախարարությունը հինգշաբթի հայտնել է, որ ուկրաինացի զինվորականներին, հավանաբար, հաջողվել է ոչնչացնել Խերսոնի շրջանի Դարևկա գյուղի ռազմական կամուրջը, որը ռուս զինվորականներն օգտագործել են մոտակա կամուրջը վնասելուց հետո։
Նախարարությունը նշել է, որ ուկրաինացի զինվորականները, հարձակվելով անցումների վրա, թուլացնում են զորքեր տեղակայելու և դրանք վերազինելու՝ Ռուսաստանի հնարավորությունները։
«Դարևկայի անցումը Դնեպրի երկայնքով ռուսական ռազմական ներկայության հյուսիսային և հարավային հատվածների հիմնական երթուղիներից մեկն է: Ուկրաինայի կանոնավոր ճշգրիտ հարվածները խոցելի անցակետերին, ամենայն հավանականությամբ, կշարունակեն ճնշում գործադրել ռուսական ուժերի վրա, քանի որ նրանք փորձում են զսպել ուկրաինական հարձակումները»,- հայտնել են ռազմական գերատեսչությունից:
Տաթև Ֆռանգյան
