Քաղաքականություն
08.09.2022 | 23:18
Ադրբեջանն օգտագործելու է թուրքական HAVELSAN ընկերության ռազմական ծրագրային ապահովումը։ Ադրբեջանական լրատվամիջոցների հաղորդմամբ՝ Բաքվում ընթացող ADEX 4-րդ պաշտպանական ցուցահանդեսի շրջանակում նման հայտարարություն է արել «HAVELSAN Azərbaycan»-ի ղեկավար Էրհան Ադբուլլահ Կանատը։
Նա նշել է, որ այս ուղղությամբ աշխատանքներն արդեն սկսվել են և շուտով կավարտվեն։
«Շարունակվում են քննարկումները Ադրբեջանի տարբեր հրամանատարությունների հետ, մասնավորապես, աշխատանք է տարվում ծովում Ադրբեջանի պաշտպանունակության բարձրացման համար»,- ասել է Կանատը։
Նա հավելել է, որ ընկերությունն Ադրբեջանում գործում է 2006 թվականից և Արցախյան երկրորդ պատերազմից հետո աշխատանքի ծավալը մեծացել է։ Մեկուկես տարի առաջ էլ Ադրբեջանում բացվել է HAVELSAN-ի գրասենյակը։
Էմմա Չոբանյան
