04.11.2026 | 18:03
Գլխավոր դատախազը բավարարել է Տաջիկստանի միջնորդությունը. մեղադրվող անձը հանձնվել է Տաջիկստանի իրավասու մարմիններին
Շենքը չի կարող դատարկ մնալ. նախարարն անուղղակի հաստատում է բուհերի շենքերը բիզնես նպատակով օգտագործելու հավանականությունը․ ՏԵՍԱՆՅՈՒԹ
Քաղաքականություն
08.09.2022 | 12:22
ԿԳՄՍ նախարար Վահրամ Դումանյանը լրագրողների հետ ճեպազրույցում անուղղակի հաստատեց բուհերի շենքերը բիզնես նպատակով օգտագործելու հավանականությունը։
«Որևէ շենք չի կարող դատարկ մնալ, այսինքն` եթե շենքը չեն օգտագործելու, ինչո՞ւ պետք է այն մնա։ Եթե որևէ շենք տեղափոխվի ավելի լավ պայմաններ, ի՞նչ է լինելու նախկին շենքի հետ։ Եթե մենք հին բնակարան ենք ունենում և նորն ենք գնում, հինն ի՞նչ ենք անում` այն վաճառում ենք․․․ Այսինքն` դատարկ մնացող շենքերը կանցնեն պետգույքի կառավարմանը, և դրանք կտնօրինեն` ինչպես նպատակահարմար կգտնեն»,- նշեց Դումանյանը։
Դումանյանը նշեց, որ Երևանում 12 պետական բուհ կա, և նախարարության նպատակը` ստեղծել մինչև 8 պետական բուհ, ՀՀ–ի համար փոքր թիվ չէ։
Հավելենք, որ ՀՀ ԿԳՄՍ նախարարության` ակադեմիական քաղաք ստեղծելու գաղափարից հետո մամուլում լուրեր շրջանառվեցին, որ բուհերի շենքերի վրա «աչք ունեն» շատերը, և դրանք հյուրանոցի վերածելու մտադրություն կա։
Մանրամասները՝ տեսանյութում։
