04.11.2026 | 16:49
Սամվել Կարապետյանը Քննչական կոմիտեում է. ՈւՂԻՂ
Սերբիայի նախագահը խնդրել է Էրդողանին օգնել Ադրբեջանից էլեկտրաէներգիա ներմուծելու հարցում
Քաղաքականություն
08.09.2022 | 12:34
Բելգրադում երեկ՝ սեպտեմբերի 7-ին Թուրքիայի նախագահ Ռեջեփ Թայիփ Էրդողանի հետ կայացած մամուլի ասուլիսում Սերբիայի նախագահ Ալեքսանդր Վուչիչը հայտնել է, որ խնդրել է Թուրքիային թույլատրել Ադրբեջանից էլեկտրաէներգիայի ներմուծումը, գրում է Reuters-ը։
Դեռևս օգոստոսի 22-ին Վուչիչը և Իլհամ Ալիևը համաձայնության էին եկել Բելգրադի կողմից էներգակիրների ներմուծման շուրջ՝ դեռևս չճշտված պայմաններով։ Բալկանյան երկիրն արտադրում է անհրաժեշտ էլեկտրաէներգիայի շուրջ 70 տոկոսը: «Ես խնդրել եմ նրան (Էրդողանին) օգնել մեզ ու տարածք հատկացնել ադրբեջանական էլեկտրաէներգիայի ներկրման համար»,-ասել է Վուչիչը։
Սերբիան գրեթե ամբողջությամբ կախված է ռուսական գազից, սակայն ցանկանում է դիվերսիֆիկացնել մատակարարումները և նախատեսում է Ադրբեջանից սկսել բնական գազի ներկրումը 2023 թվականից։
Վուչիչը նաև հայտնել է, որ Սերբիան ծրագրում է հաջորդ տարի Թուրքիայից Բայրաքթար անօդաչու թռչող սարքեր գնել՝ հավելելով, որ գործարքը կարժենա հարյուր միլիոնավոր եվրոներ։
Էմմա Չոբանյան
