16.09.2026 | 16:20
Կոսովոյի նախկին նախագահ Հաշիմ Թաչին ռազմական հանցագործությունների համար դատապարտվել է 25 տարվա ազատազրկման
Մենք մերժում ենք նեոօսմանյան ահաբեկչությունը․ Հունաստանի ԱԳ նախարարը՝ Էրդողանի սպառնալիքների մասին
Քաղաքականություն
07.09.2022 | 19:34
Հունաստանի ԱԳ նախարար Նիկոս Դենդիասը Ֆրանսիայի ԱԳ նախարար Կատրին Կոլոննայի հետ մամուլի ասուլիսում անդրադարձել է Անկարայից հնչող սպառնալիքներին՝ նշելով, որ Թուրքիան ցանկանում է «հետ շրջել պատմության ժամացույցը և վերակենդանացնել Օսմանյան կայսրությունը», գրում է ekathimerini-ն։
«Մենք խոսում ենք պարզ բառերով։ Թուրքիայի հայտարարություններն ու գործողություններն անընդունելի են և դատապարտելի։ Բայց մեզ դա չի կանգնեցնում, մենք չենք վախենում։ Մենք մեր պատմության ընթացքում բախվել ենք շատ ավելի լուրջ սպառնալիքների։ Մենք մերժում ենք նեոօսմանյան ահաբեկչությունը։ Մենք այս անհեթեթության մեջ չենք ընկնի»,- ասել է Դենդիասը։
Հիշեցնենք, որ Անկարա այցի ժամանակ Կատրին Կոլոննան Թուրքիայի արտգործնախարար Մևլութ Չավուշօղլուին ասել էր, որ չպետք է լինի էսկալացիա կամ հռետորաբանության էսկալացիա։
«Ես լիովին կիսում եմ այն դիրքորոշումը, որը Դուք արտահայտել եք մեր թուրք գործընկերոջը»,- ասել է Դենդիասը։
Ելույթ ունենալով իր այցից առաջ՝ Կոլոննան ասել էր, որ Փարիզը կշարունակի «աջակցել Հունաստանի ինքնիշխանության դեմ հարձակումներին»՝ ասելով, որ դա մի բան է, որը «չի փոխվի»:
Հիշեցնենք, որ Թուրքիայի նախագահ Ռեջեփ Թայիփ Էրդողանը հերթական անգամ սպառնացել էր և Աթենքին կոչ արել հիշել պատմությունն ու դասեր քաղել Իզմիրում ժամանակին տեղի ունեցածից։
«Մենք միայն մի բառ ունենք ասելու Հունաստանին՝ մի՛ մոռացեք Իզմիրը (Զմյուռնիան)»,- ասել էր Էրդողանը՝ հիշեցնելով 1922-ին տեղի ունեցած Զմյուռնիայի աղետը՝ տեղի հույն և հայ բնակչության կոտորածը թուրքական զորքերի կողմից։
Էմմա Չոբանյան
