08.06.2026 | 03:53
Քոչարյանը նստելու ա, Ծառուկյանը նստելու ա, Կարապետյանը նստելու ա. Փաշինյան․ ՏԵՍԱՆՅՈՒԹ
«Հնացած զենք ու մետաղի ջարդոն են ուղարկում Ուկրաինա»․ Էրդողանը՝ Արևմուտքի ռազմական աջակցության մասին
Քաղաքականություն
07.09.2022 | 22:12
Թուրքիայի նախագահ Ռեջեփ Թայիփ Էրդողանը Բելգրադում Սերբիայի նախագահ Ալեքսանդր Վուչիչի հետ համատեղ ասուլիսում խոսել է նաև Ուկրաինայում տիրող իրավիճակից, գրում է «Անադոլու»-ն։
«Թուրքիան հավատարիմ է Ուկրաինայի և Ռուսաստանի նկատմամբ հավասարակշռված քաղաքականությանը, և այդպես էլ կլինի։ Անկարան հանդես է գալիս Ուկրաինայում շուտափույթ զինադադարի օգտին։ Սակայն ներկայիս գործընթացները վկայում են այն մասին, որ պատերազմը շուտով չի ավարտվի»,- ասել է Թուրքիայի ղեկավարը։
Նա նշել է, որ բոլոր նրանք, որոնք Ռուսաստանին լուրջ չեն ընդունում, սխալվում են։
Էրդողանը նաև ասել է, որ համաձայն չէ Ուկրաինայում տիրող իրավիճակի վերաբերյալ Արեւմուտքի մոտեցումներին։
«Ես բացահայտ հայտարարում եմ Արևմուտքի մոտեցման սխալականության մասին, քանի որ ակնհայտ են Արևմուտքի գործողությունները, որոնք հիմնված են կողմերին սադրելու վրա։ Հայտարարել ռազմական աջակցության մասին, սակայն, փաստացի, Արևմուտքոմ ինչքան հնացած զենք և մետաղի ջարդոն կա, ուղարկվում է Ուկրաինային»,- ասել է Էրդողանը։
Նա հայտարարել է, որ քանի դեռ կա ռազմական գործողություններ հրահրելու քաղաքականություն, խաղաղության նախաձեռնությունների արդյունավետությունը նվազագույն է։
Էմմա Չոբանյան
