18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Թուրքիան արձագանքել է պարենային գործարքի վերաբերյալ Ռուսաստանի առարկություններին
Քաղաքականություն
07.09.2022 | 17:50
Անկարան ըմբռնումով է վերաբերվում հացահատիկային գործարքի իրականացման հետ կապված Մոսկվայի պահանջներին, ռուսական նավերի՝ շուկաներ դուրսբերման բանակցությունները ՄԱԿ-ի հետ ընթանում են։ Այս մասին ՌԻԱ Նովոստիին ասել է դիվանագիտական աղբյուրը։
Ավելի վաղ ՄԱԿ-ում Ռուսաստանի մշտական ներկայացուցիչ Վասիլի Նեբենզյան ասել էր, որ պարենային գործարքի մի մասը, որը վերաբերում է ռուսական պարենի և պարարտանյութերի արտահանմանը, չի գործում և ռուսական ոչ մի նավ դեռ չի կարողացել հացահատիկ արտահանել։ Այդ պատճառով, ըստ նրա, չի բացառվում գործարքի խզումը։
«Այս առարկությունները հասկանալի են, մենք նաև բազմիցս արտահայտել ենք մեր դիրքորոշումը ռուսական բեռների համաշխարհային շուկաներ դուրս գալու անհրաժեշտության վերաբերյալ, սա գործարքի մի մասն է։ Այդ համատեքստում բանակցություններ են ընթանում Ռուսաստանի և ՄԱԿ-ի միջև։ Մենք հայտարարել ենք, որ անհրաժեշտության դեպքում կարող ենք օգնություն ցուցաբերել»,- ասել է աղբյուրը։
Հիշեցնենք, որ հացահատիկային համաձայնագիրը կնքվել է հուլիսի 22-ին Ստամբուլում։
Էմմա Չոբանյան
