13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Ադրբեջանի ռազմարդյունաբերական համալիրի առաջնահերթությունը Թուրքիայի, Իսրայելի և Պակիստանի հետ համագործակցության զարգացումն է
Քաղաքականություն
07.09.2022 | 22:40
Թուրքիայի, Իսրայելի և Պակիստանի հետ համագործակցության զարգացումը Ադրբեջանի ռազմարդյունաբերական համալիրի առաջնահերթություններից է։ Այս մասին ադրբեջանական լրատվամիջոցների հետ զրույցում հայտարարել է երկրի պաշտպանական արդյունաբերության նախարար Մադաթ Գուլիևը։
«Այսօր աշխարհում ամենահզոր զենքերն արտադրվում են ինչպես Թուրքիայում, այնպես էլ Իսրայելում։ Ռազմատեխնիկական ոլորտում համագործակցությունը Թուրքիայի, Իսրայելի և Պակիստանի հետ մեր առաջնահերթ ոլորտներն են»,- ասել է Գուլիևը ADEX միջազգային պաշտպանական ցուցահանդեսի ժամանակ։
Նա նաև նշել է, որ Ադրբեջանի և Թուրքիայի միջև մշակվել է ճանապարհային քարտեզ՝ պաշտպանական արդյունաբերության ոլորտում համագործակցության վերաբերյալ։
«Արդեն պատրաստվել և հաստատվել է երկու երկրների պաշտպանական արդյունաբերության կառույցների միջև բազմակողմ ճանապարհային քարտեզը։ Այդ ճանապարհային քարտեզով մենք նախատեսում ենք առաջ շարժվել»,- ասել է ադրբեջանցի պաշտոնյան։
Ի դեպ, Բաքվում անկացվող այս ցուցահանդեսին մասնակում են նաև թուրքական ընկերությունները։ Այդ նպատակով Ադրբեջանում է նաև Թուրքիայի ԳՇ պետ Յաշար Գյուլերը։
Էմմա Չոբանյան
