10.10.2026 | 13:36
Հայտնաբերվել է զինծառայողի դի՝ հրազենային վնասվածքով․ ՊՆ
Հայտնի են դարձել ՌԴ գազի գնի սահմանափակման ԵՄ ծրագրի մանրամասները
Քաղաքականություն
07.09.2022 | 14:25
Եվրամիությունը դիտարկում է ռուսական գազի համար առավելագույն գին սահմանելու հարցը՝ 50 եվրո՝ մեկ մեգավատ/ժամի համար, գրում է Politico-ն։
Պարբերականի տեղեկությունների համաձայն՝ Եվրահանձնաժողովի առաջարկները ներառում են նաև արտակարգ իրավիճակների դեպքում երկրների միջև գազի բաշխման կառավարում և վերահսկում։
Նշվում է, որ Ֆրանսիան կողմ է եղել Ռուսաստանից գազի մատակարարման համաեվրոպական գնային շեմ և էներգառեսուրսներից անսպասելի շահույթի հարկ սահմանելուն։ Ֆրանսիայի ԱԳՆ եվրոպական հարցերով պետքարտուղար Լորանս Բունը նշել է, որ ցանկացած նոր միջոց կլինի ժամանակավոր՝ վեց ամսից մինչև մեկ տարի:
Գերմանիայի Էկոնոմիկայի նախարարության ներկայացուցիչն իր հերթին ասել է, որ Գերմանիան ցանկանում է ստեղծել պետական փորձագիտական հանձնաժողով, որը կորոշի գազի գնի սահմանափակման մոտեցումը։
Ավելի վաղ հաղորդվել էր, որ ԵՄ-ն կարող է սահմանափակել ռուսական գազի գինը և գների «կարմիր գոտիներ» սահմանել առավել տուժած երկրների համար։ Դաշինքի էներգետիկայի նախարարների բանավեճը տեղի կունենա սեպտեմբերի 9-ին։
Տաթև Ֆռանգյան
