28.06.2026 | 08:39
Բասկետբոլի Հայաստանի հավաքականը հաղթեց Իռլանդիային. ՏԵՍԱՆՅՈՒԹ
Պատերազմի վեց ամիսների ընթացքում Ռուսաստանը նավթի և գազի վաճառքից 158 միլիարդ եվրո է վաստակել
Քաղաքականություն
06.09.2022 | 22:27
Ուկրաինայում պատերազմի մեկնարկից հետո վեց ամիսների ընթացքում Ռուսաստանը 158 միլիարդ եվրո է վաստակել էներգակիրների արտահանումից։ BBC-ի ռուսական ծառայության փոխանցմամբ՝ այս մասին ասվում է Էներգետիկայի և մաքուր օդի ուսումնասիրման ֆիննական կենտրոնի (CREA) զեկույցում։
Դրա համաձայն՝ ԵՄ-ին բաժին է ընկել ռուսական արտահանման 54%-ը, որը դրամական արտահայտությամբ կազմել է 85 մլրդ եվրո։
ԵՄ-ում Գերմանիան առաջատարն է ռուսական էներգառեսուրսների գնման հարցում՝ 19 միլիարդ եվրոյով, որը նրան դարձնում է աշխարհում վառելիքի երկրորդ ներկրողը Չինաստանից հետո:
Նշենք, որ հունիսի սկզբին ԵՄ-ն համաձայնեց դեկտեմբերից գրեթե ամբողջությամբ դադարեցնել ռուսական նավթի ներկրումը, իսկ ռուսական գազի մատակարարումները պատմական նվազագույնի են հասել։
Հավելենք, որ 2021 թվականին նավթի արտահանումից ՌԴ-ն վաստակել 110,12 միլիարդ դոլար։
Էմմա Չոբանյան
