28.06.2026 | 11:29
Պուտինի հետ հանդիպում պահանջած նախկին զինվորականը կալանավորվել է
Էներգոդարի ռմբակոծությունը հանգեցրել է ԶԱԷԿ-ին ջուր մատակարարող ջրանցք մազութի արտահոսքի
Քաղաքականություն
06.09.2022 | 17:20
Ռուսական լրատվամիջոցները հայտնել են, որ Էներգոդարի վրա հարձակման հետևանքով մազութի արտահոսք է գրանցվել դեպի ջրանցք, որը ջուր է մատակարարում Զապորոժիեի ատոմակայանին։ «Ռոսիա 24» հեռուստաալիքի եթերում այս մասին ասել է Էներգոդարի վարչակազմի ռուսամետ ղեկավար Ալեքսանդր Վոլգան։
Նրա խոսքով՝ կրակի տակ է հայտնվել քաղաքում տեղակայված ՋԷԿ-ը։
«Վնասվել է մազութով բակը, մազութը հոսել է ջրանցք, որը ջուր է մատակարարում էլեկտրակայանի աշխատանքի համար»,- ասել է նա։
Տեղեկացվում է, որ մասնագետներն ուսումնասիրում են արտակարգ իրավիճակի վայրը, որպեսզի քայլեր ձեռնարկվեն արտակարգ դրության հետևանքները չեզոքացնելու համար։
Հիշեցնենք, որ Էներգոդարում է գտնվում Զապորոժիեի ԱԷԿ-ը, որի շրջակայքում ռմբակոծություններ են գրանցվում։ Ռուսաստանն ու Ուկրաինան միմյանց են մեղադրում են կայանը և դրան հարող Էներգոդար քաղաքը հրթիռակոծելու համար։
Տաթև Ֆռանգյան
