24.03.2026 | 16:51
Լեզվակռիվ Հակոբ Ասլանյանի և 44-օրյա պատերազմի մասնակիցների հարազատների միջև․ ՏԵՍԱՆՅՈՒԹ
Երևանում կանցկացվի «Արվեստների փառատոների 2022թ. գագաթնաժողովը»
Մշակույթ
06.09.2022 | 15:03
Փառատոների եվրոպական ասոցիացիայի (EFA) 70-րդ տարեդարձին նվիրված Արվեստների փառատոների 2022թ. գագաթնաժողովը կմեկնարկի սեպտեմբերի 12-15-ը Երևանում։ Միջոցառումն այս անգամ կազմակերպվում է «Երևանյան հեռանկարներ» միջազգային երաժշտական փառատոնի կողմից․ հայտնում են փառատոնի լրատվական ծառայությունից։
Սպասվող 4-օրյա հանդիպումները նշանավորելու են Ասոցիացիայի հաջորդ տասնամյակի համագործակցությունը փառատոների հեղինակների և այլ շահագրգիռ կողմերի միջև:
«Ready, steady, join us: 70 Years-On» խորագիրը կրող հանդիպումը նվիրված է Փառատոների եվրոպական ասոցիացիայի երկու կարևորագույն նախաձեռնությունների՝ 70-ամյակի օրակարգին և ««Եվրոպան փառատոնների համար, փառատոները Եվրոպայի համար» (EFFA) կնիքը փառատոնային քաղաքների և շրջանների համար» նախաձեռնության մեկնարկին։
««Եվրոպան փառատոների համար, փառատոները Եվրոպայի համար» (EFFA) կնիքը փառատոնային քաղաքների և շրջանների համար» նախաձեռնությունը մշակվել է 7 առաջատար քաղաքների՝ Բելգրադի, Բերգենի, Էդինբուրգի, Գենտի, Կրակովի, Լեուվարդենի և Լյուբլյանայի կողմից։
Մոտ 45 երկիր ներկայացնող 120 փառատոների առաջնորդներ և այլ շահագրգիռ կողմեր հանդիպելու են «Արվեստների փառատոների գագաթնաժողովի» ընթացքում կիսվելու իրենց մտքերով, մտահոգություններով, կարիքներով և գեղարվեստական առաջարկներով։
«Արվեստների փառատոների գագաթնաժողովի» ծրագրով նախատեսված են մի շարք մշակութային և գեղարվեստական միջոցառումներ Երևան քաղաքում:
Սեպտեմբերի 12-ին Սերգեյ Խաչատրյանի և Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանի համերգով պաշտոնապես կտրվի գագաթնաժողովի բացումը։
