18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Էրդողանը հայտարարել է, որ Հունաստանը «ո՛չ քաղաքական, ո՛չ տնտեսական, ո՛չ էլ ռազմական առումով Թուրքիային հավասար չէ»
Քաղաքականություն
06.09.2022 | 14:08
Թուրքիայի նախագահ Ռեջեփ Թայիփ Էրդողանը հայտարարել է, որ Հունաստանը հավասար չէ իր երկրին քաղաքական, տնտեսական կամ ռազմական առումներով, գրում է Անադոլու գործակալությունը։
«Ցանկանում եմ ձեզ ևս մեկ անգամ հիշեցնել Հունաստանի մասին, որը վերջին շրջանում ուժեղացրել է իր ճնշումն ու ամբարտավանությունը մեր երկրի նկատմամբ։ Հունաստանը մեզ հավասար չէ ո՛չ քաղաքական, ո՛չ տնտեսական, ո՛չ էլ ռազմական հարաբերություններում, դրա համար էլ հանդիսանում է մեր հակառակորդը»,- ասել է Էրդողանն Անկարայում կառավարության նիստից հետո։
Նա նշել է, որ «Թուրքիան, որպես խաղաղության, հանգստության, զարգացման և արդարության ներկայացուցիչ այս տարածաշրջանում», որտեղ վերջին շրջանում լարվածությունը մեծացել է, շարունակում է կատարել իր պարտականությունները։
Հիշեցնենք, որ վերջին շրջանում Էրդողանն ու Թուրքիայի տարբեր պաշտոնյաներ պարբերաբար սպառնում են Հունաստանին։ Մասնավորապես, օրերս էլ Էրդողանն Աթենքին կոչ էր արել հիշել պատմությունն ու դասեր քաղել՝ նշելով, որ մեկ գիշերվա ընթացքում թուրքական ուժերը կարող են ներխուժել Հունաստան։
«Մենք միայն մի բառ ունենք ասելու Հունաստանին՝ մի՛ մոռացեք Իզմիրը (Զմյուռնիան)»,- ասել էր Էրդողանը՝ հիշեցնելով 1922-ին տեղի ունեցած Զմյուռնիայի աղետը՝ տեղի հույն և հայ բնակչության կոտորածը թուրքական զորքերի կողմից։
Էմմա Չոբանյան
