16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Պուշկին-Եկմալյան խաչմերուկում ծառահատումն ապօրինի է իրականացվել. քրգործ կհարուցվի. Երևանի քաղաքապետարան
Հասարակություն
05.09.2022 | 22:43
Ժամեր առաջ Factor.am-ի կողմից հրապարակած ծառահատման դեպքին քիչ առաջ արձագանքել է Երևանի քաղաքապետարանը։ Լրատվության վարչության պետ Լևոն Սարդարյանը Factor.am-ին տեղեկացրեց, որ Քաղաքապետարանը որևէ տոմս չի տվել ծառահատման համար, ուստի այն իրականացվել է ապօրինի.
«Դեպքի վայր ժամանած մեր աշխատակիցներն արձանագրել են, որ ծառը լիովին առողջ է եղել, իսկ ապօրինի ծառահատում իրականացրած անձիք փորձել են լրիվ մաքրել իրենց հետքերը. ծառի շրջակայքում անգամ մեկ տաշեղ չի եղել։ Դեպքի առթիվ հենց այս պահին նյութեր են հավաքվում ոստիկանություն ուղարկելու և քրեական գործ հարուցելու համար։ Նման բոլոր դեպքերն արագ արձագանք են ստանալու և բոլոր ապօրինի ծառահատումներ կատարողները խստագույնս պատժվեն»,- հավելեց Սարդարյանը։
Հավելենք, որ ապօրինի ծառահատման մասին ահազանգած բնակիչը տեղում հանդիպել է Քաղաքապետարանի աշխատակիցների հետ, որոնք խոստացել են ամենայն խստությամբ քննել այս դեպքը և հատված ծառի փոխարեն նորը տնկել։ Բնակիչը շեշտել է, որ իրենք հետամուտ են լինելու դեպքի բացահայտմանն ու կանաչ տարածքի վերականգմանը։
Հիշեցնենք՝ մոտ երկու ժամ առաջ Երևանի Պուշկին-Եկմալյան փողոցների խաչմերուկում՝ Պուշկին 49 շենքի դիմաց գտնվող հաստաբուն ծառը կտրել են։ Ահազանգը հնչեցրել է հարակից շենքի բնակիչը։ Նա տեսագրել է, թե ինչպես են անհայտ անձինք մի քանի րոպեում կտրում մեծ ծառն ու տանում։ Բնակիչն արձանագրել է նաև ծառը կտրողներին և նրանց ավտոմեքենայի համարանիշը։
Ռոզա Վարդանյան
