18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Թուրքական ռազմանավը վերջին 10 տարվա ընթացքում առաջին անգամ կայանել է Իսրայելում
Քաղաքականություն
05.09.2022 | 22:54
Թուրքիայի ռազմանավը շաբաթավերջին, 2010 թվականից ի վեր առաջին անգամ, կանգ է առել է Իսրայելի նավահանգիստներից մեկում՝ երկու երկրների միջև հարաբերությունների բարելավման ֆոնին, գրում է Turkish Minute-ը։
«TCG Kemalreis» ֆրեգատը կիրակի կայանել է Հայֆայի հյուսիսային նավահանգստում՝ Իսրայելի ռազմածովային ուժերի կենտրոնակայանում։ Իսրայելի բանակի խոսնակն էլ հայտարարել է, որ ռազմանավը կանգ է առել «ՆԱՏՕ-ի գործունեության շրջանակում»։
Թուրքիայի ՊՆ-ն իր հերթին հայտարարել է, որ ռազմանավը մնալու է Հայֆայում մինչև սեպտեմբերի 6-ը։
Հիշեցնենք, որ վերջին շրջանում Իսրայելի և Թուրքիայի հարաբերություններում ջերմացում է նկատվում։ Օգոստոսի 17-ին էլ կողմերը հայտարարել էին հարաբերությունների ամբողջական վերականգնման ու երկու երկրներ դեսպանների վերադարձի մասին։
Հավելենք՝ երկու երկրների հարաբերությունները սառեցվել էին 2010 թվականին՝ այն բանից հետո, երբ 10 խաղաղ բնակիչներ զոհվեցին թուրքական Mavi Marmara նավի վրա իսրայելական գրոհից հետո։ Այդ ժամանակից ի վեր թուրքական ոչ մի ռազմանավ չի եղել Իսրայելում։
Էմմա Չոբանյան
