02.07.2026 | 13:00
Ի՞նչ քայլեր կանի ԵՄ-ն, եթե ՌԴ-ն թանկացնի ՀՀ մատակարարվող գազը՝ ֆոն դեր Լայենը պարզաբանեց․ ՏԵՍԱՆՅՈՒԹ
Փաշինյանն ու Պուտինը քննարկելու են ԼՂ կարգավորման հարցը
Քաղաքականություն
05.09.2022 | 19:13
Ռուսաստանի նախագահ Վլադիմիր Պուտինը Հայաստանի վարչապետ Նիկոլ Փաշինյանի հետ Արևելյան տնտեսական ֆորումի շրջանակում կքննարկի ԼՂ կարգավորման հարցը։ Լրագրողների հետ զրույցում այս մասին ասել է ՌԴ ղեկավարի օգնական Յուրի Ուշակովը, փոխանցում է ՏԱՍՍ-ը։
«Ակնկալվում է, որ կքննարկվի Լեռնային Ղարաբաղի կարգավորման հարցը։ Ռուսաստանը շարունակում է աջակցել Հայաստանի և Ադրբեջանի միջև հարաբերությունների կարգավորմանը՝ առաջնորդների միջև եռակողմ պայմանավորվածությունների հիման վրա։ Ռուսական խաղաղապահ զորախումբն ապահովում է տարածաշրջանի անվտանգությունը»,- ասել է Ուշակովը։
Կողմերը կքննարկեն նաև ռուս-հայկական հարաբերությունների առանցքային ասպեկտները, այդ թվում՝ առևտրատնտեսական համագործակցության զարգացման հեռանկարները, հավելել է նա։
«Փոխգործակցությունը զարգանում է էներգետիկ ոլորտում, Ռուսաստանից գազի մատակարարումները կազմում են տարեկան ավելի քան 2,4 միլիարդ խորանարդ մետր (1,41 միլիարդ խորանարդ մետր՝ այս տարվա հունվար-հունիսին)»,- հավելել է Կրեմլի ներկայացուցիչը։
Տաթև Ֆռանգյան
