13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Գանձակում մեկնարկել են Թուրքիայի և Ադրբեջանի ռազմաօդային ուժերի համատեղ զորավարժությունները
Քաղաքականություն
05.09.2022 | 15:54
Ադրբեջանի Պաշտպանության նախարարությունը հայտնում է, որ այսօր տեղի է ունեցել «TurAz Qartalı 2022» թուրք-ադրբեջանական մարտավարական թռիչքային համատեղ վարժանքների բացման արարողությունը, գրում են տեղական լրատվամիջոցները։
Նշվում է, որ զորավարժությունների բացման արարողությունը տեղի է ունեցել Գանձակում՝ Թուրքիայի և Ադրբեջանի զինծառայողների մասնակցությամբ։
Ողջունելով հյուրերին՝ Ադրբեջանի ռազմաօդային ուժերի սպա, գեներալ-մայոր Զաուր Ռուստամովն ընդգծել է, որ նման զորավարժությունների անցկացումը մեծ նշանակություն ունի համատեղ գործողությունների պլանավորման, փոխգործակցության և մարտական համակարգման ուսումնասիրման, ինչպես նաև որոնողափրկարարական աշխատանքների իրականացման տեսանկյունից։
Նաև անցկացվել է ճեպազրույց զորավարժությունների նպատակների, անձնակազմի պատրաստման, կատարված առաջադրանքների, թռիչքի և ավիացիոն միջոցների օգտագործման վերաբերյալ։
Էմմա Չոբանյան
