13.12.2024 | 13:35
Պետք է լուծում տալ թափառող շների խնդրին ողջ հանրապետությունով․ ՏԿԵՆ-ում մարզպետների մասնակցությամբ խորհրդակցություն է անցկացվել
Ուկրաինայի նավահանգիստները լքել է 13 նավ՝ շուրջ 283 հազար տոննա գյուղատնտեսական բեռով
Քաղաքականություն
05.09.2022 | 22:07
Ուկրաինայի նավահանգիստներից կիրակի 13 նավ է մեկնել՝ 282․500 տոննա գյուղմթերքով, որոնք դուրս կգան արտաքին շուկաներ, գրում է VOA-ն։
Սեպտեմբերի 4-ին Օդեսայի, Չեռնոմորսկի և Յուժնիի նավահանգիստներից ութ երկրների համար նախատեսված բեռներ են մեկնել, որոնք ամբողջությամբ արգելափակվել էին ռուսական ներխուժման հետևանքով՝ մինչև հուլիսի 22-ի համաձայնագիրը ՄԱԿ-ի և Թուրքիայի միջնորդությամբ։
Ուկրաինայի իշխանությունները հայտնել են, որ ըստ համաձայնագրի՝ Ուկրաինայի նավահանգիստներից ուղևորվել է 86 նավ՝ 19 երկրի մատակարարելով 2 միլիոն տոննա գյուղմթերք։
Գործարքը կնքվել է այն բանից հետո, երբ Ուկրաինայի մուտքը դեպի Սև ծով՝ իր հիմնական արտահանման ուղին, դադարեցրվել է ռուսական ներխուժումից և Ուկրաինայի նավահանգիստների շրջափակումից հետո, ինչն առաջացրել է պարենի համաշխարհային գների կտրուկ աճի և Աֆրիկայում ու Մերձավոր Արևելքում պակասորդի վախի:
Ուկրաինան հույս ունի մինչև 9 ամսվա ընթացքում 60 միլիոն տոննա հացահատիկ արտահանել, հուլիսին ասել է Ուկրաինայի նախագահի տնտեսական խորհրդական Օլեգ Ուստենկոն՝ զգուշացնելով, որ արտահանումը կարող է տևել մինչև 24 ամիս, եթե նավահանգիստները ճիշտ չաշխատեն:
Տաթև Ֆռանգյան
