18.05.2026 | 10:59
Ռուսաստանը հարվածել է Դնեպրոպետրովսկին և Օդեսային. զոհեր և վիրավորներ կան
Քաբուլում պայթյունը ՌԴ դեսպանատան երկու աշխատակցի կյանք է խլել
Քաղաքականություն
05.09.2022 | 14:15
Քաբուլում պայթյունի հետևանքով Ռուսաստանի դեսպանատան երկու աշխատակից է զոհվել։ Այս մասին հայտնել է ՌԴ ԱԳ նախարարությունը, գրում է ՌԲԿ-ն։
«Քաբուլում Ռուսաստանի դեսպանատան հյուպատոսական բաժնի մուտքի անմիջական հարևանությամբ անհայտ զինյալը գործի է դրել պայթուցիկ սարքը։ Հարձակման հետևանքով զոհվել է դիվանագիտական առաքելության երկու աշխատակից, զոհեր կան նաև Աֆղանստանի քաղաքացիների շրջանում»,- ասվում է հայտարարության մեջ։
Ավելի վաղ էլ ՌԻԱ Նովոստիի աղբյուրը հայտնել էր, որ զոհվածներն են դիվանագետ և դիվանագիտական ներկայացուցչության պահակներից մեկը։ Գործակալության զրույցակիցը նաև նշել էր, որ պայթյունի հետևանքով 15-20 մարդ է զոհվել և վիրավորվել։
Թվիթերյան իր էջում Al Jazeera-ն, հղում անելով իրավապահ մարմինների իր աղբյուրին, հայտնում է, որ դեսպանատան մոտ տեղի ունեցած պայթյունի հետևանքով զոհվել և վիրավորվել է 25 մարդ։
Էմմա Չոբանյան
