06.11.2024 | 14:20
«Դոմոդեդովո»-ում ՀՀ քաղաքացի է ձերբակալվել, որին ռուսական կողմը «վարձկանության» մեջ է մեղադրում
Մակրոնը խոստացել է կանխել Ռուսաստանի հաղթանակը
Քաղաքականություն
02.09.2022 | 17:18
Ֆրանսիայի նախագահ Էմանուել Մակրոնը խոստացել է, որ Ֆրանսիան կշարունակի Ուկրաինային տրամադրել հումանիտար, տնտեսական և ռազմական օգնություն և կամրապնդի եվրոպական միասնությունը՝ Ռուսաստանի վրա ճնշումը մեծացնելու և այս երկրում նրա հաղթանակը կանխելու համար, գրում է VOA-ն։
«Մենք չենք կարող թույլ տալ, որ Ռուսաստանը հաղթանակ տանի պատերազմում»,- ասել է Մակրոնը՝ Ելիսեյան պալատում ելույթ ունենալով Ֆրանսիայի դեսպանների հետ հանդիպմանը։
Նա նշել է, որ նպատակ ունի Ուկրաինային ռազմական հաղթանակի տանելու կամ «բանակցային ճանապարհով խաղաղության» հասնելու համար ամուր դիրքորոշման հնարավորություն տալ։
«Մենք պետք է պատրաստվենք երկար պատերազմի»,- ասել է Մակրոնը՝ միաժամանակ հավելելով, որ դա կսրի լարվածությունը ուկրաինական ատոմակայանների շուրջ։
Տաթև Ֆռանգյան
