19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ․ ՏԵՍԱՆՅՈՒԹ
Էրդողանը հայտարարել է, թե ՆԱՏՕ-ում Հունաստանը «մեծ արժեք չունի»
Քաղաքականություն
02.09.2022 | 18:30
Հունաստանի գործողությունները բացասական ազդեցություն չեն ունենա Թուրքիա-ՆԱՏՕ հարաբերությունների վրա։ Այս մասին հայտարարել է Թուրքիայի նախագահ Ռեջեփ Թայիփ Էրդողանը Ստամբուլում ուրբաթօրյա աղոթքից հետո լրագրողների հետ զրույցում, գրում է «Անադոլու» գործակալությունը։
Էրդողանը նշել է, թե Հունաստանը ՆԱՏՕ-ի շրջանակներում «մեծ արժեք չունի»։
«Փոխարենը, եթե կա Թուրքիան, ապա ուժեղ է և ՆԱՏՕ-ի բլոկը։ Այն բացասական ընկալումը, որ հունական կողմը փորձում է ձևավորել ՆԱՏՕ-ում, չի թուլացնի Անկարայի հարաբերությունը դաշինքի հետ»,- ասել է Թուրքիայի նախագահը։
Հավելենք, որ ՆԱՏՕ-ի LANDCOM ցամաքային զորքերի հրամանատարությունն ավելի վաղ սոցցանցերից հեռացրել էր Դումլուփինարի ճակատամարտում հույների նկատմամբ թուրքերի հաղթանակի 100-ամյակի կապակցությամբ շնորհավորանքը։ Դա տեղի էր ունեցել Հունաստանի ԱԳՆ բողոքից հետո։
Էմմա Չոբանյան
