15.04.2026 | 18:29
Թուրքիայում երկու հույն է ձերբակալվել՝ Սուրբ Սոֆիայի տաճարում քրիստոնեական կարգախոսով դրոշ ծածանելու համար
Վլադիմիր Վարդանյանը՝ ապօրինի գույքի բռնագանձման օրենքը Վենետիկի հանձնաժողով ուղարկելու մասին․ ՏԵՍԱՆՅՈՒԹ
Հասարակություն
02.09.2022 | 17:09
«Արձակուրդից վերադարձել ենք, սպասում ենք խմբակցություններն առաջարկներ ներկայացնեն. խմբակցությունները պետք է համապատասխան թեկնածուներ առաջադրեն։ Դեռևս առաջադրումներ չկան»,֊ այս մասին լրագրողների հետ զրույցում նշեց ՔՊ պատգամավոր, Պետաիրավական հարցերի մշտական հանձնաժողովի նախագահ Վլադիմիր Վարդանյանը, անդրադառնալով դիտարկմանը, որ ՀՀ Կենտրոնական ընտրական հանձնաժողովի նախագահի պաշտոնավարման ժամկետը լրանում է, և հարցին, թե քննարկվում է արդյոք Վահագն Հովակիմյանի թեկնածության հարցը։
Անդրադառնալով դիտարկմանը, որ ՍԴ֊ն Վենետիկի հանձնաժողով ուղարկել Ապօրինի գույքի բռնագանձման մասին օրենքը, նշեց. «ՍԴ֊ն, դիմելով Վենետիկի հանձնաժողով, կասեցրել է վարույթը, մինչև չստանա եզրակացությունը, չի կարող շարունակել։
ՍԴ֊ն իրավասու է դիմել Վենետիկի հանձնաժողով՝ խորհրդատվական եզրակացություն ստանալու։ Վենետիկի հանձնաժողովի հեղինակավոր կարծիքը կարող է ինչ֊որ չափով կողմնորոշիչ լինել, և ՍԴ֊ն գնացել է այդ քայլին։ Թեև իմ կարծիքով՝ այդ օրենքը վերից վար ՍԴ֊ում վիճարկելը զարմանք է առաջացնում։ Եվ զարմանալի է, որ այդ օրենքը ՍԴ էր ուղարկել ԱԺ պատգամավորների մեկ հինգերորդը։ Թե ինչու են մեր ընդդիմադիր գործընկերները դեմ ապօրինի գույքի վերադարձին, սա թող քաղաքացին որոշի»։
Մանրամասները՝ տեսանյութում։
