16.09.2026 | 12:40
ՌԴ-ն ուկրաինական Դնեպրոպետրովսկում ավտոբուսի և Կիև–Նիկոլաև գնացքին է հարվածել․ ՏԵՍԱՆՅՈՒԹ
Ղրիմում պայթյուններից հետո կարտինգի ՌԴ առաջնությունը տեղափոխվել է Գրոզնի․ դրանց մասնակցում է նաև Պուտինի թոռը
Քաղաքականություն
02.09.2022 | 23:04
Ռուսաստանին բռնակցված Ղրիմի արևմուտքում գտնվող Եվպատորիայից Կարտինգի Ռուսաստանի առաջնության վեցերորդ և վերջին փուլը տեղափոխվել է Գրոզնի։ «Current time»-ի փոխանցմամբ՝ մրցումները կանցկացվեն սեպտեմբերի 9-ից 11-ը։
Այս տարի հայտերի ցանկում ներառված է Յորիտ Ֆաասենի անունը, որը հանդես է գալիս որպես Ռոման Ֆաասենի համար հայտ ներկայացնող, ով առաջնությունում հանդես է գալիս «Մինի» դասում։ 10-ամյա Ռոման Ֆաասենը ՌԴ նախագահ Վլադիմիր Պուտինի ավագ դստեր՝ Մարիա Վորոնցովայի որդին է՝ Նիդեռլանդների քաղաքացի Յորիտ Ֆաասենի հետ առաջին ամուսնությունից։
Առաջնության եզրափակիչ փուլի սկզբնական վայրը գտնվում էր Սակի ռազմական օդանավակայանից մոտ 20 կիլոմետր հեռավորության վրա: ՌԴ ՊՆ-ի կողմից որպես ավիաբազա օգտագործվող այս օբյեկտի տարածքում օգոստոսի 9-ին որոտացել են պայթյուններ։
Թերակղզու «իշխանությունների» տվյալներով՝ մեկ մարդ մահացել է, ևս 14-ը՝ վիրավորվել։ Վնասվել է ավելի քան 60 բազմաբնակարան շենք և 20 կոմերցիոն օբյեկտ։ Մոտ 30 մարդ տարհանվել է պայթյունների վայրի մոտ գտնվող շենքերից։ Նովոֆեդորովկայում տարածաշրջանային արտակարգ ռեժիմ է մտցվել։
Տաթև Ֆռանգյան
