09.10.2026 | 22:28
Պանամայում 7,6 մագնիտուդով երկրաշարժ է գրանցվել
Մահափորձ է իրականացվել Արգենտինայի փոխնախագահի նկատմամբ․ տեսանյութը հայտնվել է համացանցում
Քաղաքականություն
02.09.2022 | 16:47
Բուենոս Այրեսում մահափորձ է իրականացվել Արգենտինայի փոխնախագահ Քրիստինա Ֆերնանդես դե Կիրշների նկատմամբ։ 35-ամյա տղամարդը ատրճանակը պահել է նրա գլխին ու փորձել կրակել, սակայն ատրճանակը չի կրակել, գրում է BBC-ի ռուսական ծառայությունը։
Արգենտինայի նախագահ Ալբերտո Ֆերնանդեսի խոսքով՝ ատրճանակը լիցքավորված է եղել, և Կիրշները չի տուժել միայն պատահականության պատճառով։
«Քրիստինան ողջ է, քանի որ ատրճանակը, որում հինգ փամփուշտ է եղել, չի աշխատել տեխնիկական պատճառով, որը դեռևս պետք է հաստատվի»,- ասել է պետության ղեկավարը։
Նա նշել է, որ այս մահափորձը երկրի պատմության մեջ ամենալուրջ միջադեպերից մեկն է 1983 թվականին ռազմական բռնապետությունից ժողովրդավարության անցնելուց հետո: Նախագահը նաև ուրբաթ ազգային հանգստյան օր է հայտարարել, որպեսզի արգենտինացիները կարողանան օրը նվիրել «կյանքի, ժողովրդավարության պաշտպանությանը և փոխնախագահի հետ համերաշխություն ցուցաբերելուն»։
Սոցցանցերում հրապարակվել են մահափորձի տեսագրությունները։ Դրանցից մեկում երևում է, թե ինչպես է այն պահին, երբ Կիրշները ողջունում է իր կողմնակիցներին, տղամարդը բարձրացնում ատրճանակը և փորձում կրակել ուղիղ պաշտոնյայի դեմքին: Դրանից հետո Կիրշներն իջեցնում է գլուխը, սակայն կրակոցի ձայն չի լսվում։
El video del arma contra @CFKArgentina pic.twitter.com/8j1xpMnPoe
— Lautaro Maislin (@LautaroMaislin) September 2, 2022
Տաթև Ֆռանգյան
