18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Արմեն Փամբուխչյանն ընդունել է դեսպան Մանուել Բեսլերին
Քաղաքականություն
02.09.2022 | 15:41
Այսօր՝ սեպտեմբերի 2-ին, ԱԻ նախարար Արմեն Փամբուխչյանն ընդունել է Շվեյցարիայի զարգացման և համագործակցության գործակալության գլխավոր տնօրենի տեղակալ, դեսպան Մանուել Բեսլերին։ Հանդիպմանը ներկա էին ՇԶՀ գործակալության Հումանիտար աջակցության արագ արձագանքման ղեկավար Դեյվիդ Սոխորը, ԱԻ նախարարի տեղակալ Դավիթ Համբարյանը, ՓԾ տնօրեն Արմեն Գասպարյանը և ՓԾ տնօրենի տեղակալ Հովհաննես Եմիշյանը․ տեղեկացնում են ՀՀ ԱԻՆ-ից։
Նախարար Փամբուխչյանը շնորհակալություն է հայտնել դեսպան Բեսլերին Հայաստանի Հանրապետությունում գտնվելու և հայկական ՄԱԿ-ի միջազգային քաղաքային որոնողափրկարարական խորհրդատվական խմբի (INSARAG) չափորոշիչներին համապատասխան հայկական քաղաքային որոնողափրկարարական թիմի առաջին վերաորակավորման վարժանքին անձամբ մասնակցելու համար:
Դեսպան Բեսլերը շնորհակալություն է հայտնել ԱԻ նախարարին ջերմ ընդունելության համար և շեշտել, որ կարևորում է հայկական քաղաքային որոնողափրկարարական թիմի կատարած աշխատանքները։
Գործակալության աջակցությամբ տեղծվել են միջազգային որոնողափրկարարական INSARAG-ի չափանիշներին համապատասխան արագ արձագանքման 5 թիմեր` Երևանում, Շիրակի, Սյունիքի, Լոռու և Տավուշի մարզերում: ԱԻ նախարարը առաջարկել է դիտարկել ևս երկու թիմի որակավորմանն աջակցելու հնարավորությունը:
Հանդիպման ընթացքում կողմերը քննարկել են մի շարք այլ հարցեր։
