18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Ռուսաստանը կարող է ևս 350 հազար զինվորի ուղարկել պատերազմելու․ Ուկրաինայի հետախուզություն
Քաղաքականություն
02.09.2022 | 15:59
Ռուսաստանը կարող է Ուկրաինայում մարտական գործողություններում ներգրավել մինչև 350 հազար զինվորականի։
Այս մասին ասել է Ուկրաինայի ՊՆ հետախուզության գլխավոր վարչության ներկայացուցիչ Վադիմ Սկիբիցկին, գրում է BBC-ի ռուսական ծառայությունը։
«Ռուսական բանակում շատ ստորաբաժանումներ ՌԴ տարածքում և դրա սահմաններից դուրս իրականացնում են միայն հսկողություն և օբյեկտների պաշտպանություն։ Բացի այդ, ՌԴ-ն հզոր զորակազմ ունի Սիրիայում։ Ռուսաստանն ունի ռազմակայանների լայն ցանց նախկին Խորհրդային Միության տարածքում. դա և՛ Հայաստանն է, և՛ Տաջիկստանը, զորակազմը Լեռնային Ղարաբաղում, Ղազախստանում։ Այսպիսով, եթե այդ ամենը միասին հավաքեք, կստանաք 300-350 հազար, որը Ռուսաստանը կարող է օգտագործել Ուկրաինայի դեմ պատերազմում»,- ասել է Ուկրաինայի ռազմական հետախուզության ներկայացուցիչը։
Նա նշել է, որ ՌԴ զինված ուժերում կադրային սովը սկսել է է՛լ ավելի վառ երևալ բազմաթիվ մարդկային զոհերից հետո, որոնք ՌԴ-ն կրել է պատերազմի առաջին օրից։
Տաթև Ֆռանգյան
