18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Հունաստանը «վահան է ստեղծում» Թուրքիայի անօդաչուների սպառնալիքին դիմակայելու համար
Քաղաքականություն
02.09.2022 | 15:10
Թուրքիայի անօդաչու թռչող սարքերի աճող սպառնալիքը, որոնք վերջին ամիսներին Անկարայի սադրանքներն են ղեկավարում Էգեյան ծովում, դարձել են ոչ միայն Հունաստանի պաշտպանության ուժերի, այլև արտաքին քաղաքականության ուշադրության առարկան, գրում է ekathimerini-ն։
Նշվում է, որ մտահոգություններն ավելի են սրվում Հունաստանի օդային տարածքի խախտումներում դրանց ավելի շատ օգտագործման ֆոնին։ Անօդաչուներն արտահանվում են նաև Աֆրիկա, Ասիա և Եվրոպա: Թուրքիայի նախագահ Ռեջեփ Թայիփ Էրդողանն ընդգծել է, որ իր երկրի ԶՈՒ-ն ներկա է ամենուր «անօդաչու թռչող սարքերով»։
Ի պատասխան այս սպառնալիքների՝ Հունաստանի Պաշտպանության նախարարությունը ձգտում է պաշտպանել Էգեյան ծովը անօդաչուների ներխուժումից՝ կղզիներում հակազդեցության միջոցների տեղակայմամբ։
Լրատվամիջոցը գրում է, որ ըստ Թուրքիայի արդյունաբերության նախարար Մուսթաֆա Վարանքի՝ իրենց Զինված ուժերն ունեն առնվազն 200 անօդաչու թռչող սարք։
Baykar ընկերության տնօրեն Սելջուկ Բայրաքթարն էլ, որը նաև Էրդողանի փեսան է, ներկայացրել է Թուրքիայի նոր անօդաչու կործանիչի՝ «Kizil Elma» մոդելը, որի առաջին թռիչքը նախատեսվում է 2023 թվականի մարտին։
Էմմա Չոբանյան
