16.09.2026 | 12:10
Փաշինյանը Հեսսենի խաղաղության մրցանակ կստանա // ԶՈՒ ԳՇ պետը գիշերային անակնկալ ստուգայց է կատարել․ ԼՈՒՐԵՐ
Պուտինն ու ՌԴ-ն չեն հաղթի այս պատերազմում. Դանիայի ԱԳ նախարար
Քաղաքականություն
01.09.2022 | 21:35
Դանիայի ԱԳ նախարար Յեփփե Քոֆոդը Կիևում հայտարարել է, որ ՌԴ նախագահ Վլադիմիր Պուտինը բոլոր իմաստներով «փոքր մարդ է» և չի կարող հաղթել Ուկրաինայի դեմ պատերազմում, գրում է BBC-ի ռուսական ծառայությունը։
«Պուտինն ու Ռուսաստանի Դաշնությունը չեն հաղթի այս պատերազմում: Նրանք կպարտվեն: Նա փոքր մարդ է և՛ ուղիղ, և՛ փոխաբերական իմաստով: Եվ արյունոտ, պաթետիկ այս փոքրիկ մարդու բոլոր հույսերը հանդիպել են ուկրաինացիների զանգվածային և ոգեշնչված պայքարին»,- ասել է նա։
Յեփփեն նշել է, թե տեսնում են՝ ինչպես են ուկրաինացիները պաշտպանում իրենց երկիրը։
«Մենք տեսնում ենք, որ դուք կոտրել եք Ռուսաստանի ծրագրերը։ Հաջորդ փուլում Ռուսաստանը վերջնականապես կպարտվի, իսկ հաղթողը կդառնա Ուկրաինան։ Այդ իսկ պատճառով մենք կշարունակենք փոխանցել անհրաժեշտ ռազմական տեխնիկա և կապահովենք ձեր զինվորականների ուսուցումը»,- ասել է Դանիայի ԱԳ նախարարը։
Էմմա Չոբանյան
