27.04.2026 | 20:39
Սամվել Կարապետյանը պատասխանել է թիմակցի հարցերին. ՏԵՍԱՆՅՈՒԹ
Նիկոլ Փաշինյանն իմ երազած վարչապետը չի, բայց ցանկացած բանակցություններում իր մեջքին կանգնած եմ. ՏԵՍԱՆՅՈՒԹ
Քաղաքականություն
22.05.2018 | 15:10
Նիկոլ Փաշինյանն իմ երազած վարչապետը չի, բայց ցանկացած բանակցություններում կանգնած եմ նրա մեջքին: Ազգային ժողովում պատասխանելով Factor.am-ի հարցին՝ ասաց ԱԺ փոխնախագահ Էդուարդ Շարմազանովը:
«Թեև Հայաստանի Հանրապետության վարչապետ Նիկոլ Փաշինյանի հայտարարությունը՝ ԼՂ համակարտության վերաբերյալ, չի բխում ՀՀԿ դիրքորոշումից, բայց ցանկացած բանակցություններում ես աղոթելու եմ նրա հաջողության համար»,- ասաց ՀՀ ԱԺ փոխնախագահը:
«Թող Ալիևն էլ , Էրդողանն էլ իմանան։ Իմ երկրի վարչապետի հետ ես խորը գաղափարական և քաղաքական տարաձայնություններ ունեմ, բայց ես իր յուրաքանչյուր հանդիպման ժամանակ աղոթելու եմ, որ ինքը հաջողի», – շարունակեց ՀՀԿ-ական պաշտոնյան:
Շարմազանովը նաև ընդգծեց՝ եթե Փաշինյանը հաջողի բանակցություններում, դա նաև կնշանակի Հայաստանի հաղթանակը, որն իրենք միայն կողջունեն։ «Իսկ այն հայտարարությունը, որ Արցախը պետք է վերադառնա բանակցային սեղան, շատ ողջունելի է, որովհետև մենք դրա մասին շատ ենք խոսել», – հավելեց ԱԺ փոխնախագահը:
Մանրամասները՝ տեսանյութում:
