17.12.2025 | 23:30
ՌԴ-ն երկրորդ անգամ է հայտարարել Կուպյանսկի նկատմամբ վերահսկողության մասին
Լեհաստանը Գերմանիայից 1,3 տրիլիոն դոլարի փոխհատուցում է պահանջում
Քաղաքականություն
01.09.2022 | 19:43
Լեհաստանը գնահատել է Երկրորդ համաշխարհային պատերազմում նացիստական Գերմանիայի կողմից երկրին հասցված վնասի չափը՝ 1,3 տրիլիոն դոլար։ ՏԱՍՍ-ի փոխանցմամբ՝ այս մասին հայտարարել է Լեհաստանի իշխող «Իրավունք և արդարություն» կուսակցության առաջնորդ Յարոսլավ Կաչինսկին։
«Գումարը, որը ներկայացվել է որպես փոխհատուցում, ամենասահմանափակն է։ Այն կարելի է զգալիորեն ավելացնել։ Դա կազմում է 6 տրիլիոն 200 մլրդ զլոտի՝ 1,3 տրիլիոն դոլար։ Գերմանիայի տեսանկյունից, և հաշվի առնելով, որ նման փոխհատուցումներ վճարվել են տասնամյակներ շարունակ, դա կառավարելի գումար է»,- ասել է Կաչինսկին։
Նրա խոսքով՝ Լեհաստանի նպատակն է՝ «փոխհատուցում ստանալ այն ամենի համար, ինչ գերմանական պետությունն ու գերմանացի ժողովուրդն արել են Լեհաստանին 1939-1945 թվականներին»։ Կաչինսկին նշել է, որ մի շարք երկրներ ստացել են փոխհատուցում Գերմանիայից, իսկ Լեհաստանը՝ ոչ։
«Գերմանիան հարձակվել է Լեհաստանի վրա և հսկայական վնաս պատճառել։ Գերմանիան դեռ երբեք չի վճարել Լեհաստանի դեմ իր կատարած հանցագործությունների համար»,- ասել է քաղաքական գործիչը։
Էմմա Չոբանյան
