18.05.2026 | 18:03
«Ռեալը» հրաժեշտ է տվել թիմի ավագին
ՄԱԳԱՏԷ-ի առաքելությունը ժամանել է Զապորոժիեի ԱԷԿ
Քաղաքականություն
01.09.2022 | 17:48
Ատոմային էներգիայի միջազգային գործակալության (ՄԱԳԱՏԷ) թիմը ժամանել է Զապորոժիեի ԱԷԿ՝ ուսումնասիրելու, թե որքա՞ն անվնաս է Եվրոպայի ամենամեծ ատոմակայանը ռազմական գործողությունների ֆոնին։ Այս մասին հայտնում է BBC-ի ռուսական ծառայությունը՝ հղում կատարելով «ՌԻԱ Նովոստի» և «Ինտերֆաքս» լրատվական գործակալություններին։
Reuters-ի թղթակիցը նույնպես հայտնել է պատվիրակության ժամանման մասին։ Նա տեսել է, թե ինչպես է մասնագետների խումբը ժամանել կայան՝ մեծ թվով ռուս զինվորականների ներկայությամբ։
«Ընդհանուր առմամբ, շարասյունը բաղկացած է 9 մեքենայից՝ ՄԱԿ մակագրությամբ և մի քանի ուղեկցող մեքենաներ: Իրավիճակը կայանում հանգիստ է, հրետակոծության ձայներ չկան»,- հաղորդել է ՌԻԱ Նովոստիի թղթակիցը։
ՄԱԿ-ի փորձագետները պետք է գնահատեն ռազմական գործողությունների ժամանակ ատոմակայանին հասցված վնասը, որը, դատելով ճակատից ստացված հաղորդագրություններից, միայն ուժեղացել է ստուգման համար Զապորոժիե փորձագիտական թիմի ժամանելու օրը։
Պատվիրակության կազմում ընդգրկված են փորձագետներ Լեհաստանից, Լիտվայից, Չինաստանից, Ֆրանսիայից և այլ երկրներից։
Հիշեցնենք, որ ՄԱԳԱՏԷ-ի ղեկավար Ռաֆայել Գրոսսին հույս է հայտնել, որ կազմակերպությանը կհաջողվի մշտապես հետևել ԱԷԿ-ի աշխատանքին՝ նշելով, որ ատոմակայանի աշխատանքի միայն նախնական դիտարկումը մի քանի օր կտևի։
Տաթև Ֆռանգյան
