05.11.2026 | 00:08
Ինչ է որոշել ընդդիմությունը. Նարեկ Կարապետյանը հանդիպումից հետո մանրամասներ հայտնեց. ՏԵՍԱՆՅՈՒԹ
Էրդողանը մեղադրանքներ է հնչեցրել ՄԻԵԴ-ի հասցեին՝ այն անվանելով քաղաքական դրդապատճառներով որոշումներ կայացնող մարմին
Քաղաքականություն
01.09.2022 | 20:16
Թուրքիայի նախագահ Ռեջեփ Թայիփ Էրդողանը երկրի Գերագույն դատարանում ելույթ ունենալիս քննադատել է Մարդու իրավունքների եվրոպական դատարանին (ՄԻԵԴ), գրում է «Անադոլու» գործակալությունը։
Էրդողանը, մասնավորապես, ՄԻԵԴ-ն անվանել է քաղաքական դրդապատճառներով որոշումներ կայացնող մարմին, որը, իբր, «հեռու է արդարադատության սկզբունքներից»։
«Երբ խոսքը Թուրքիայի մասին է, կայացվում են քաղաքականապես մոտիվացված վճիռներ, իսկ երբ քննարկվում են Գերմանիայի կամ Ֆրանսիայի դիմումները, ապա կայացվում են բոլորովին այլ ձևի որոշումներ»,- ասել է Ռեջեփ Թայիփ Էրդողանը։
Բացի այդ, նա նշել է, որ Թուրքիայի ներկա Սահմանադրությունը, որն ընդունվել է 1982 թվականին, չի համապատասխանում ժամանակակից մարտահրավերներին և պետք է մի շարք փոփոխությունների ենթարկել։
«Որոշ շրջանակներ փորձում են Թուրքիայի դատական համակարգը վերածել հանցավոր կազմակերպությունների գործիքի։ Մենք դա թույլ չենք տա։ Համաշխարհային հանրությունը մեկընդմիշտ գիտակցում է, որ Թուրքիայի Հանրապետությունը մութ ուժերից չի ղեկավարվում»,- ասել է Էրդողանը։
Էմմա Չոբանյան
