28.06.2026 | 11:29
Պուտինի հետ հանդիպում պահանջած նախկին զինվորականը կալանավորվել է
Ուկրաինայի ԶՈՒ-ն շարունակում է հարձակողական գործողությունները հարավում․ բրիտանական հետախուզություն
Քաղաքականություն
01.09.2022 | 15:18
Մեծ Բրիտանիայի Պաշտպանության նախարարությունը հերթական ամփոփագիրն է ներկայացրել Ուկրաինայում ռազմական գործողությունների վերաբերյալ, փոխանցում է BBC-ի ռուսական ծառայությունը։
Մասնավորապես, բրիտանական հետախուզությունը հայտնում է, որ 2022 թվականի օգոստոսի 30-31-ը Ուկրաինայի Զինված ուժերը շարունակել են երկրի հարավում հարձակողական գործողությունները՝ դրանք ուղեկցելով ինտենսիվ հեռահար հարվածներով ռուսական հրամանատարական կետերի և նյութատեխնիկական ապահովման ուղղությամբ օկուպացված գոտու ամբողջ տարածքում։
Ուկրաինայի ՊՆ-ն նաև տեսանյութ է հրապարակել ուկրաինական ինքնաթիռների կողմից արագընթաց հակառադարային հրթիռների (HARM) կիրառման մասին։ Ռուսաստանն ավելի վաղ հայտարարել էր, որ հայտնաբերել է այդ հրթիռների բեկորները, որոնք նախատեսված են ռադարները հայտնաբերելու և ոչնչացնելու համար:
Զեկույցում նշվում է, որ Ռուսաստանը նախապատվությունը տալիս է ուժեղ ցամաքային հակաօդային պաշտպանությանը, ռադարային ծածկույթը, որը դա ապահովում է, չափազանց կարևոր է Ուկրաինայում գործողության շարունակման համար։ Ըստ բրիտանական հետախուզության՝ HARM հրթիռների հարձակումների պատճառով ռուսական ռադարների կորուստը լուրջ հարված կլինի Ռուսաստանի համար։
Էմմա Չոբանյան
