12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Իրավիճակ ունենք` պատմաբանին նշանակում ենք զոդման դասախոս. Նիկոլ Փաշինյան․ ՏԵՍԱՆՅՈՒԹ
Հասարակություն
01.09.2022 | 11:39
Կառավարության նիստի ընթացքում ՀՀ վարչապետ Նիկոլ Փաշինյանը ներկայացրեց մասնագիտական կրթության և ուսուցման բնագավառում կառավարության տեսլականը:
«Մեր տեսականը հետևյալն է՝ ուսումնարանների հնարավորինս լայն բաշխվածություն հանրապետության տարածքով, այդ թվում՝ այս կամ այն մարզում պոտենցիալ պահանջարկի հաշվառմամբ, ֆիզիկական և բովանդակային ենթակառուցվածքների թարմացում աշխատաշուկայում մրցունակ մասնագետների պատրաստման գործնական խնդրի լուծմանը համահունչ, որի անբաժանելի մաս է պրոֆեսիոնալ դասախոսների և վարպետների ներգրավումը, որոնք պետք է ուսուցանեն ոչ միայն ուսանողներին, այլև մասնագիտական վերապատրաստում անցնողներին:
Նախ մտադիր ենք ուսումնարաննրում ներգավել հմուտ վարպետների, որոնք տիրապետում են արհեստների կամ մասնագիտության: Այսօրվա կարգավորումներով այդ հաստատություններում դասավանդելու համար պարտադիր բարձրագույն կրթություն է պետք, ինչն իրականում այնքան էլ հասկանալի չէ, որովհետև, օրինակ, զոդել ամենալավը կարող է սովորեցնել զոդողը: Ինչպես դպրոցներում իրավիճակ ունենք, որ նույն ուսուցիչը 4-5 տարբեր առարկաներ է դասավանդում, այնպես էլ ենթադրաբար ուսումնարաններում իրավիճակ ունենք, երբ որ լավ բարձրագույն կրթություն ունեցող պատմաբանին նշանակում ենք որպես զոդման դասախոս:
Իհարկե որոշակի վերապատրաստումներ և ատեստավորման մեխանիզմներ պետք է լինեն»,- նշեց վարչապետը:
Մանրամասները՝ տեսանյութում:
