05.11.2026 | 00:08
Ինչ է որոշել ընդդիմությունը. Նարեկ Կարապետյանը հանդիպումից հետո մանրամասներ հայտնեց. ՏԵՍԱՆՅՈՒԹ
Ռուսական զորքերը ականանետներով գնդակոծում են քաղաքը. Էներգոդարի քաղաքապետ
Քաղաքականություն
01.09.2022 | 12:07
Էներգոդարի քաղաքապետը հայտնում է, որ տեղական ժամանակով առավոտյան հինգից ռուսական զորքերը շարունակաբար գնդակոծում են քաղաքը, գրում է BBC-ի ռուսական ծառայությունը։
«Առավոտյան ժամը հինգից քաղաքի մշտական ականանետային ռմբակոծությունները չեն դադարում: Կրակոցներ են լսվում: Հայտնի է, որ խոցվել են մի քանի քաղաքացիական թիրախներ: Կան զոհեր: Քանի՞սը՝ պարզում ենք»,- գրել է Դմիտրի Օռլովը:
Էներգոդարի գնդակոծության մասին սոցիալական ցանցերում հայտնում են նաև տեղի բնակիչները։ Այս մասին տեղեկությունը հաստատում է նաև քաղաքում գտնվող ռուսական Ինտերֆաքս գործակալության թղթակիցը։
Քաղաքում է գտնվում Զապորոժիեի ատոմակայանը՝ որն ամենամեծն է Եվրոպայում։ Այսօր ատոմակայն պետք է այցելի ՄԱԳԱՏԷ-ի փորձագետների պատվիրակությունը՝ կազմակերպության ղեկավար Ռաֆայել Գրոսսիի գլխավորությամբ։
Տաթև Ֆռանգյան
