Քաղաքականություն
31.08.2022 | 20:22
Լատվիան, Լիտվան, Լեհաստանը, Ֆինլանդիան և Էստոնիան hամատեղ հայտարարությամբ պահանջել են Եվրահանձնաժողովից «համապատասխան վիզային միջոցներ» առաջարկել, որոնք «կտրուկ կկրճատեն Ռուսաստանի քաղաքացիների հոսքը դեպի Եվրամիություն և Շենգենյան տարածք», գրում է Financial Times-ը։
«Քանի դեռ նման միջոցներ չեն ձեռնարկվել ԵՄ մակարդակով, մենք կդիտարկենք ազգային մակարդակով ժամանակավոր միջոցների ներդրման հնարավորությունը՝ լուծելու հանրային անվտանգության հրատապ խնդիրները՝ կապված Ռուսաստանի քաղաքացիների հոսքի ավելացման հետ մեր սահմաններով»,- ասվում է փաստաթղթում։
Հայտարարության հեղինակները նշում են, որ Ուկրաինա Ռուսաստանի լայնամասշտաբ ներխուժման սկզբից ի վեր մոտ 700,000 ռուսաստանցիներ մուտք են գործել իրենց երկրներ, որոնց մեծ մասը զբոսաշրջիկներ են, որոնք օգտագործում են Ռուսաստանի Դաշնության հետ սահմանամերձ երկրները՝ որպես մուտք դեպի ԵՄ արևմտյան երկրներ:
«Մենք կարծում ենք, որ դա կարող է լուրջ վտանգ դառնալ հանրային անվտանգության համար»,- ասվում է կոչում, որը նաև ընդգծում է «այլախոհների, ինչպես նաև այլ մարդասիրական դեպքերի համար բացառությունները պահպանելու անհրաժեշտությունը»:
«Մենք պետք է շարունակենք աջակցել պուտինյան ռեժիմի հակառակորդներին և նրանց հնարավորություն տալ՝ լքել Ռուսաստանը»,- ասվում է հայտարարության մեջ։
Տաթև Ֆռանգյան
