15.04.2026 | 15:20
Կալանքը շատ հաճախ կիրառվում է որպես ճնշման միջոց, եբեմն տեսանելի չի` ինչպես է հիմնավորվում. Հարությունյան․ ՏԵՍԱՆՅՈՒԹ
Ընդունելի՞ է՝ հարսանիքներին, ծնունդներին հրավառություն կազմակերպեն՝ ի հաշիվ շրջակայքի բնակիչների․ Տիգրան Ավինյան․ ՏԵՍԱՆՅՈՒԹ
Հասարակություն
31.08.2022 | 15:55
«Ընդունելի՞ է՝ հարսանիքներին, ծնունդներին հրավառություն կազմակերպեն՝ ի հաշիվ շրջակայքի բնակիչների. լրագրողների հետ զրույցում հարց հնչեցրեց ՀՀ նախկին փոխվարչապետ, «Քաղաքացիական պայմանագիր» կուսակցության վարչության անդամ Տիգրան Ավինյանը։
Նշենք, որ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Սիսակ Գաբրիելյանի նախաձեռնությամբ այսօր խորհրդարանում քննարկում էր կազմակերպվել հրավառություններն արգելող նախագծի վերաբերյալ։
«Հարցը մշակութաբանական է: Մենք պետք է որոշենք` մեզ համար ընդունելի՞ է, որ կնունքներին, հարսանիքներին, ծնունդներին մարդիկ կազմակերպում են հրավառություն` ի հաշիվ այն բնակչության, որ ապրում է այդ շրջակայքում, որովհետև այդ մարդիկ ո՛չ այդ կնունքի մասնակիցն են, ո՛չ հարսանիքի, ո՛չ ծնունդի։ Իրենց տանը հանգիստ քնած են, մեկ էլ` գը՛մփ։ Հիմա պետք է հասկանանք` մենք ուզո՞ւմ ենք, որ այդ տեսակ բիզնեսը լինի»,- նշեց Ավինյանը:
Նրա խոսքով՝ օրենքի ընդունմամբ այդ բիզնեսը ոչ թե վերանալու է, այլ կանոնակարգվելու է և վերահսկվելու, հրավառություններն էլ թույլատրվելու են միայն կոնկրետ միջոցառումների ժամանակ:
«Այդտեղ շատ կոնկրետ դետալներ կան, որ պետք է քննարկել, մասնավորապես` հրավառության որ տեսակներն են թույլատրելի, որոնք` չէ։ Որովհետև կան տեսակներ, որոնք իրոք անձայն են, ավտանգ են»,- նշեց Ավինյանը։
Մանրամասները՝ տեսանյութում:
