18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Զապորոժիեի ԱԷԿ-ին հարակից Էներգոդարի բնակիչների մոտ խուճապային տրամադրություններ են, ռուս զինվորականները նրանց չեն թողնում հեռանալ․ քաղաքապետ
Քաղաքականություն
31.08.2022 | 15:07
Զապորոժիեի ԱԷԿ-ին հարող Էներգոդար քաղաքի բնակիչներն անդադար գնդակոծությունների տակ են, իսկ տեղի բնակչների թվում մեծանում են խուճապային տրամադրությունները, քանի որ ռուս զինվորականները թույլ չեն տալիս նրանց դուրս գալ քաղաքից։ Այս մասին պատմել է քաղաքապետ Դմիտրի Օռլովը, գրում է BBC-ի ռուսական ծառայությունը։
«Այսօր քիչ թե շատ հանգիստ է, բայց գնդակոծությունները չեն դադարում գիշեր-ցերեկ։ Գնդակոծվում են ինչպես քաղաքի ենթակառուցվածքները, այնպես էլ բնակելի թաղամասերը։ Բնակիչների շրջանում խուճապ է տիրում, որոնք փորձում են որքան հնարավոր է՝ շուտ հեռանալ քաղաքից և գնալ Ուկրաինայի Զինված ուժերի կողմից վերահսկվող տարածք: Բայց օկուպանտներն այստեղ էլ արգելքներ են ստեղծում»,- ասել է նա։
Քաղաքապետի հաշվարկներով՝ Էներգոդարի բնակիչների շուրջ կեսը, որտեղ մինչ պատերազմն ապրում էր 53 հազար մարդ, հեռացել է քաղաքից։ Իսկ Զապորոժիեի ԱԷԿ-ի աշխատակիցների մեծ մասը մնում է տեղում։
«Նրանք հասկանում են իրենց պատասխանատվությունը համաշխարհային և եվրոպական հանրության առաջ: Որովհետև ոչ ոք չի կարողանա օգտագործել իրենց մասնագիտական հմտությունները հանուն միջուկային և ռադիացիոն անվտանգության»,- պարզաբանել է Օռլովը:
Նա նաև տեղեկացրել է, որ ռուս զինվորականների գնդակոծության տակ է հայտնվել նաև Էներգոդարի քաղաքային խորհրդի շենքը՝ գնդակոծության հետևանքները ներկայացնող լուսանկար տեղադրելով իր թելեգրամ-ալիքում։
«Մարդիկ իսկապես հույս ունեն, որ ՄԱԳԱՏԷ-ն կայան այցելությունից հետո եզրակացություններ կանի և թույլ չի տա օգտագործել Եվրոպայի ամենամեծ ատոմակայանը որպես մարտադաշտ»,- հավելել է քաղաքապետը։
Երեքշաբթի Ուկրաինայի նախագահ Վլադիմիր Զելենսկին հանդիպել է ՄԱԳԱՏԷ-ի գլխավոր տնօրենի հետ, որն առաքելությամբ կայան է մեկնել։
Տաթև Ֆռանգյան
