06.10.2026 | 16:53
Գերմանիայի հետախուզական ծառայության նախկին ղեկավարը ձերբակալվել է լրտեսության կասկածանքով
Բաքվի և Երևանի հետ միասին կենտրոնացած ենք եռակողմ համաձայնագրերի բոլոր դրույթների կատարման ուղղությամբ․ ՌԴ ԱԳՆ
Քաղաքականություն
31.08.2022 | 14:20
Ռուսաստանը Բաքվի և Երևանի հետ միասին կենտրոնացած է եռակողմ համաձայնագրերի բոլոր դրույթների ամենաբարձր մակարդակով կատարման ուղղությամբ։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ռուսաստանը Բաքվի և Երևանի հետ միասին կենտրոնացած է եռակողմ համաձայնագրերի բոլոր դրույթների ամենաբարձր մակարդակով կատարման ուղղությամբ։ Համաձայնեցված միջազգային ձևաչափերի շրջանակում համապատասխան աշխատանքները կրում են բովանդակային բնույթ և առաջ են ընթանում։ Օգոստոսի 30-ին Մոսկվայում մեր կողմի խորհրդատվական աջակցությամբ հանդիպում է կայացել Ադրբեջանի և Հայաստանի միջև սահմանի սահմանազատման վերաբերյալ»,- հայտարարել է Զախարովան։
Նա նշել է, որ ԵՄ միջնորդությամբ աշխատանքային խումբ ստեղծելու ծրագրերի մասին հայ ու ադրբեջանցի գործընկերների կողմից ոչ մի տեղեկություն չեն ստացել։
«Ընդհանուր առմամբ, մենք տեսնում ենք, որ ԵՄ-ի ակտիվությունը Հարավային Կովկասում պայմանավորված է աշխարհաքաղաքական հավակնություններով։ Մեր կարծիքով՝ դա կապ չունի ադրբեջանա-հայկական հարաբերությունների կարգավորմանը նպաստելու իրական ցանկության հետ։ Ես կասեի, որ դրանք եվրոպացիների կեղծ նախաձեռնություններն են»,- հայտարարել է Զախարովան։
Տաթև Ֆռանգյան
