13.01.2025 | 11:39
«Եռաբլուրից» գողացված ծաղիկները վաճառել են Հյուսիսային պողոտայում՝ մեկ հատը 500-ից 1000 դրամով. երկու անձ կալանավորվել է․ ՔԿ
ԱՄՆ-ը հայտնել է Իրանից Ռուսաստան ԱԹՍ-ներ ուղարկելու մասին. ի՞նչ սարքավորումներ են դրանք
Քաղաքականություն
31.08.2022 | 17:03
ԱՄՆ վարչակազմը հաստատել է Իրանից Ռուսաստան անօդաչու թռչող սարքերի մատակարարումների մասին լրատվամիջոցների հաղորդագրությունները։ Այս մասին գրում է BBC-ի ռուսական ծառայությունը։
«Մեր գնահատմամբ՝ Ռուսաստանն օգոստոսին մի քանի օրվա ընթացքում Իրանից ստացել է «Մոհաջեր-6» և «Շահեդ» սերիայի անօդաչու թռչող սարքեր։ Ռուսական տրանսպորտային ինքնաթիռներն Իրանի օդանավակայանից մեկում բեռնել են անօդաչու թռչող սարքեր, այնուհետև Իրանից թռել են Ռուսաստան։ Սա այն է, ինչ մենք տեսնում ենք, սրանք են մեր գնահատականները»,- ասել է Սպիտակ տան մամուլի քարտուղար Կարին Ժան Պիերը։
Իրանի կողմից Ռուսաստան անօդաչու թռչող սարքերի առաջին խմբաքանակն ուղարկելու մասին ավելի վաղ հայտնել էր ամերիկյան մամուլը՝ Washington Post թերթը և CNN-ը։
Պարբերականը հղում էր արել հետաքննության ծառայությունների ներկայացուցիչներին, իսկ հեռուստաալիքը՝ Ջո Բայդենի վարչակազմի ներկայացուցչին։
Սարքերի առաջին փորձարկումների ժամանակ ռուս զինվորականներն իրենց աշխատանքում բախվել են մի շարք խափանումների, հայտնում է Washington Post-ը։ Թե ի՞նչ ձախողումների մասին է խոսքը, թերթը չի մանրամասնել։
Թեև Իրանի անօդաչու թռչող սարքերի ծրագիրը զարգանում է 1980 թվականների վերջից, երկիրը գտնվում է պատժամիջոցների տակ, և շատ անօդաչու թռչող սարքեր, ըստ փորձագետների, հիմնականում պատճենահանվել են արտասահմանյան սարքերից:
Տաթև Ֆռանգյան
