16.09.2026 | 12:10
Փաշինյանը Հեսսենի խաղաղության մրցանակ կստանա // ԶՈՒ ԳՇ պետը գիշերային անակնկալ ստուգայց է կատարել․ ԼՈՒՐԵՐ
Կապիկի ծաղիկն ԱՄՆ-ում արդեն մարդու կյանք է խլել
Քաղաքականություն
30.08.2022 | 22:39
ԱՄՆ-ի Թեքսաս նահանգի իշխանությունները հայտնել են կապիկի ծաղիկով տառապող մարդու մահվան մասին, որն առաջին դեպքն է ԱՄՆ-ում, գրում է ՌԻԱ Նովոստին։
Նշվում է, որ հետաքննվում է հիվանդության դերը:
Տեղի առողջապահության վարչության տվյալներով՝ մահացածը թուլացած իմունային համակարգով Հարիս շրջանի տարեց բնակիչ էր, որն ընդգրկում է Հյուսթոն քաղաքը։
«Գործը հետաքննվում է՝ պարզելու, թե մահվան հարցում ինչ դեր է ունեցել կապիկի ծաղիկը»,- ասվում է մամուլի հաղորդագրության մեջ։
Թեքսասի պաշտոնյաներն ասում են, որ սա նահանգում առաջին դեպքն է, իսկ տեղական լրատվամիջոցները գրում են, որ սա կապիկի ծաղիկով մահացության առաջին դեպքն է երկրում։
Կապիկի ծաղիկը հազվագյուտ վիրուսային վարակ է, որը փոխանցվում է նաև մարդկանց: Սովորաբար այն մեղմ է ընթանում, և մարդկանց մեծամասնությունը վերականգնվում է մի քանի շաբաթվա ընթացքում, սակայն ոմանց մոտ կարող են բարդություններ առաջանալ:
