06.11.2026 | 01:59
Եվրոպա լիգա. «Արարատ-Արմենիան» ցավալի պարտություն կրեց Պորտուգալիայում. ՏԵՍԱՆՅՈՒԹ
Մոսկվան պատրաստ է աջակցել Հայաստանի և Ադրբեջանի միջև ընթացող բանակցություններին. ՌԴ ԱԳՆ
Քաղաքականություն
30.08.2022 | 21:10
Ռուսական կողմը պատրաստ է շարունակել խորհրդատվական և տեխնիկական աջակցություն ցուցաբերել Ադրբեջանի և Հայաստանի պատվիրակությունների՝ երկու երկրների միջև պետական սահմանի սահմանազատման շուրջ բանակցություններում: Այս մասին ասվում է ՌԴ ԱԳՆ տարածած հաղորդագրության մեջ, փոխանցում է ՌԻԱ Նովոստին:
«Ռուսական պատվիրակությունը պատրաստակամություն է հայտնել շարունակել խորհրդատվական և տեխնիկական աջակցություն ցուցաբերել Ադրբեջանի և Հայաստանի պատվիրակություններին երկու երկրների միջև պետական սահմանի սահմանազատման շուրջ բանակցություններում՝ բարձրացնելով սահմանային գոտում կայունության և անվտանգության մակարդակը»,- ասվում է հաղորդագրության մեջ:
Հիշեցնենք, որ այսօր Մոսկվայում տեղի է ունեցել ՀՀ և Ադրբեջանի միջև պետական սահմանի սահմանազատման ու սահմանային անվտանգության հարցերով հանձնաժողովի երկրորդ նիստը՝ ՀՀ փոխվարչապետ Մհեր Գրիգորյանի և ԱՀ փոխվարչապետ Շահին Մուստաֆաևի համանախագահությամբ:
Ըստ ՌԴ ԱԳՆ-ի հայտարարության՝ նոր հանդիպման ժամկետները լրացուցիչ կհամաձայնեցվեն դիվանագիտական ուղիներով։
