13.01.2025 | 13:42
Վիճաբանելիս տղամարդը խոհանոցային դանակով հարվածել է 55-ամյա տղամարդուն
Ռուս ընդդիմադիր գործիչ և հրապարակախոս Լեոնիդ Գոզմանը 15 օրով կալանավորվել է երկամյա վաղեմության գրառման համար
Քաղաքականություն
30.08.2022 | 19:13
Մոսկվայի Տվերսկոյ դատարանը 15 օրով կալանավորել է քաղաքական գործիչ և հրապարակախոս Լեոնիդ Գոզմանին՝ ԽՍՀՄ ղեկավարության գործողությունները նացիստական Գերմանիայի ղեկավարության գործողությունների հետ հրապարակային նույնականացման մասին վարչական հոդվածով։ Սա այս տարվա գարնանն ընդունված հոդվածով առավելագույն պատիժն է, գրում է BBC-ի ռուսական ծառայությունը։
«Գոզմանին վարչական խախտման համար պատիժ է նշանակվել՝ 15-օրյա ժամկետով»,- հայտնել են դատարանի մամուլի ծառայությունից։
72-ամյա գործչի ձերբակալման մասին հայտնի է դարձել նախօրեին։ Մինչ այդ, նրան ձերբակալել էին Իսրայելի քաղաքացիության ու դրա մասին չծանուցելու համար։ SOTA թելեգրամյան ալիքին Գոզմանն ասել է, որ իրեն կանգնեցրել են հիվանդանոցից դուրս գալու ժամանակ։ Մինչ դատական նիստը Գոզմանին պահել են Տվերի ոստիկանությունում։
Քաղաքական գործիչը Հիտլերին համեմատել է Ստալինի հետ՝ պնդելով, որ Ստալինն ավելի վատն էր, քանի որ «կոմունիստները համընդհանուր պատերազմ են հայտարարել իրենց սեփական ժողովրդին»։ SOTA թելեգրամյան ալիքը գրել է, որ սա երկու տարվա վաղեմություն ունեցող հրապարակում է եղել։
Տաթև Ֆռանգյան
