14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
ՊԲ նախկին հրամանատար Միքայել Արզումանյանը բերման է ենթարկվել
Հասարակություն
30.08.2022 | 17:27
ՊԲ նախկին հրամանատար, ԱՀ նախագահի գործող գլխավոր խորհրդական Միքայել Արզումանյանը բերման է ենթարկվել Արցախից Երևան գնալու ճանապարհին՝ ՀՀ քննչական կոմիտեի զինվորական վարչության քննիչների հանձնարարությամբ։ Այս մասին թեև պաշտոնական հաղորդագրություն չի տարածվել, սակայն քննչական կոմիտեի մամուլի խոսնակ Վարդան Թադևոսյանը Factor․am-ի հետ զրույցում չհերքեց լուրը՝ նշելով, որ քիչ անց հաղորդագրություն կլինի։
ԱՀ նախագահի մամուլի խոսնակ Լուսինե Ավանեսյանը, «Արցախպրես»-ի հետ զրույցում մեկնաբանելով ձերբակալության մասին տեղեկությունները, ասել է, որ գեներալ Արզումանյանին Արայիկ Հարությունյանը համարում է լավագույն զորահրամանատարներից մեկը։
«Հուսով ենք, որ ձերբակալության հանգամանքները շուտափույթ կերպով կպարզվեն: Գեներալ Արզումանյանի ձերբակալության հետ կապված իրավիճակի զարգացումները գտնվում են Նախագահ Հարությունյանի ուշադրության կենտրոնում»,-նշել է Ավանեսյանը:
