15.04.2026 | 17:38
Մոսկվան ու Բաքուն համաձայնության են եկել․ կողմերը հայտարարություն են տարածել AZAL-ի ինքնաթիռի վթարի հետ կապված
Գումարը կանխիկացրել էր կնոջ եղբայրը. ոստիկանների բացահայտումը
Հասարակություն
30.08.2022 | 18:48
Օգոստոսի 28-ին ոստիկանություն զանգած տղամարդը հայտնել էր, որ կայքէջերից մեկի միջոցով իր բանկային քարտից 940 000 դրամ է գանձվել․ տեղեկացնում են ՀՀ ոստիկանությունից։
«Ոստիկանության Մասիսի բաժնի օպերատիվ խմբին նա հաղորդում է տվել, որ անհայտ անձը իր հաշվեհամարից 940 000 դրամ է փոխանցել այլ հաշվի:
Փաստով նախաձեռնվել է քրեական վարույթ:
Ոստիկանության Մասիսի բաժնի ծառայողների ձեռնարկած միջոցառումների արդյունքում պարզվել է, որ խարդախությունն արել է տուժողի կնոջ եղբայրը: Օգոստոսի 29-ին Այնթապ գյուղում 21-ամյա երիտասարդը հայտնաբերվել և տեղափոխվել է Մասիսի բաժին, որտեղ խոստովանել է, որ գումարի կանխիկացումն արել է ինքը՝ կայքերից մեկի իր անվամբ բացված էջի միջոցով:
Երիտասարդը ներկայացվել է Մասիսի քննչական բաժին»:
