09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
Ռուսական զինուժը հրետակոծում է ՄԱԳԱՏԷ-ի առաքելության երթուղին դեպի Զապորոժիեի ատոմակայան
Քաղաքականություն
30.08.2022 | 15:55
Ռուսական զորքերը հրետակոծում են այն միջանցքները, որոնցով ՄԱԳԱՏԷ-ի առաքելությունը պետք է հասնի Զապորոժիեի ատոմակայան, ասել է Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը, գրում է korrespondent-ը։
«Ամեն ինչ կանխատեսելի է: Ռուսաստանը միտումնավոր գնդակոծում է այն միջանցքները, որոնցով ՄԱԳԱՏԷ-ի առաքելությունը պետք է հասնի Զապորոժիեի ԱԷԿ: Ամեն ինչ արվում է, որպեսզի նրանց առաջարկի անցնել Ղրիմով։ Ուկրաինայի դիրքորոշումն անփոփոխ է: Մուտքը միայն Ուկրաինայի վերահսկողության տակ գտնվող տարածքով է: ԱԷԿ-ի ապառազմականացում։ Ռուսական զորքերի անհապաղ դուրսբերում։ Կայանում միայն ուկրաինացի անձնակազմ կա»,- գրել է նա Twitter-ում։
ՄԱԳԱՏԷ-ի առաքելությունն արդեն ժամանել է Կիև։ Այցը ատոմակայան նախատեսված է սկսել վաղը և կտևի չորս օր։
Ակնկալվում է, որ առաքելությունը կենտրոնանալու է երեք խնդիրների վրա՝ ֆիզիկական պաշտպանություն, միջուկային անվտանգություն, միջուկային նյութերի չտարածման երաշխիքներ։
Տաթև Ֆռանգյան
