08.06.2026 | 08:30
Ամփոփվել են 1924 ընտրատեղամասերից ստացված նախնական արդյունքները. ԿԸՀ
Զելենսկին Մակրոնի հետ քննարկել է ՄԱԳԱՏԷ-ի առաքելության այցը Զապորոժիեի ԱԷԿ
Քաղաքականություն
30.08.2022 | 15:39
Ուկրաինայի նախագահ Վլադիմիր Զելենսկին օգոստոսի 30-ի գիշերը ոչ պաշտոնական հեռախոսազրույց է ունեցել Ֆրանսիայի նախագահ Էմանուել Մակրոնի հետ։ Այս մասին RBC-Ukraine-ին տված մեկնաբանությունում հաստատել է Ուկրաինայի նախագահի մամուլի քարտուղար Սերգեյ Նիկիֆորովը։
Զրույցի ընթացքում Զելենսկին և Մակրոնը քննարկել են Ատոմային էներգիայի միջազգային գործակալության (ՄԱԳԱՏԷ) առաքելության այցը Զապորոժիեի ԱԷԿ, դրա ժամանակացույցը, նյութատեխնիկական ապահովման և անվտանգության հարցեր։
Նշվում է, որ այսօր ցերեկը պետության ղեկավարը կարող է հանդիպել ՄԱԳԱՏԷ-ի գլխավոր տնօրեն Ռաֆայել Գրոսիի հետ։ Դա կախված է այն բանից, թե երբ է առաքելությունը մեկնելու Զապորոժիեի ԱԷԿ:
Հիշեցնենք՝ ՄԱԳԱՏԷ-ի առաքելությունը ժամանել է Ուկրաինա՝ այցելելու Ռուսաստանի կողմից օկուպացված Զապորոժիեի ատոմակայան:
ՄԱԳԱՏԷ-ի առաքելությունը Զապորոժիեի ԱԷԿ-ում ստուգումների ընթացքում կենտրոնանալու է երեք խնդիրների վրա՝ ֆիզիկական պաշտպանության, միջուկային անվտանգության և միջուկային նյութերի չտարածման երաշխիքների:
Տաթև Ֆռանգյան
