Հասարակություն
30.08.2022 | 13:56«Այս նախագծով ցուցաբերվել է «իմիջիայլոց» մոտեցում, խորքային ոչ մի շերտ չի դիտրակվել, հաշվի չի առնվել, թե հետպատերազմյան մեր բանակում ինչ խնդիրներ կան, ինչ հետևանքներ կարող է առաջացնել այս դրույթի ընդունումը»,- այս մասին այսօր «24 միլիոն դրամ. «բանակից ազատվելու գի՞ն», թե՞ պրոֆեսիոնալ բանակի գրավական» թեմայով քննարկման ժամանակ նշեց «Լրագրողներ հանուն մարդու իրավունքների» ՀԿ նախագահ, իրավապաշտպան Ժաննա Ալեքսանյանը:
Հիշեցնենք՝ ՊՆ-ն շրջանառության մեջ է դրել «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին» օրենքի նախագիծը, որով առաջարկվում է 24 մլն դրամ վճարելու դիմաց ժամկետային զինծառայության ժամկետը կրճատել մինչև 4,5 ամիս։ Նախագծի հիմնավորման մեջ նշվում է՝ նշված գումարի չափը նախատեսվել է նաև այն տրամաբանությամբ, որ մեկ պարտադիր զինծառայողի փոխարեն 5 տարի ժամկետով հնարավորություն է ընձեռվելու պայմանագրային զինծառայողին հաշվարկել մինչև 400.000 դրամ ամսական վարձատրություն, ինչը արհեստավարժ զինվորական ծառայության համակարգ ներդնելու մոտիվացիոն կարևորագույն բաղադրիչ է։
«Ինչպես ներկայացվում է՝ երկու հարց է հաշվի առնվել՝ պայմանագրային զինծառայողների վճարման հարցը և այն, որ կոռուպցիայի դեմ սրանով հնարավոր է պայքարել: Բայց հաշվի չեն առնվել այն խնդիրները, որ կան բանակում, մանավանդ պատերազմից հետո: Այս նախագծով նորից արտոնյալների դաս է ստեղծվում»,- ընդգծեց իրավապաշտպանը։
Մանրամասները՝ տեսանյութում:
