05.11.2026 | 13:50
ԵՄ-ն հունվարին կքննարկի Վրաստանի դեմ նոր միջոցների կիրառումը ժողովրդավարության հետընթացի պատճառով
Իրանի ԱԳ նախարարը կայցելի Մոսկվա․ կքննարկվի նաև Անդրկովկասում ստեղծված իրավիճակը
Քաղաքականություն
30.08.2022 | 14:36
Օգոստոսի 31-ին Իրանի արտաքին գործերի նախարար Հոսեյն Ամիր Աբդոլլահիանն աշխատանքային այցով կլինի Մոսկվայում, որի ընթացքում կհանդիպի Ռուսաստանի Դաշնության արտաքին գործերի նախարար Սերգեյ Լավրովի հետ։ Այս մասին ասված է ՌԴ ԱԳՆ տարածած հայտարարության մեջ։
Ակնկալվում է, որ հանդիպման ժամանակ կշարունակի կարծիքների շահագրգիռ փոխանակումը մի շարք արդի միջազգային հարցերի շուրջ, այդ թվում՝ Իրանի միջուկային ծրագրի հարցով Գործողությունների համատեղ համապարփակ ծրագրի, Ուկրաինայում, Սիրիայում, Աֆղանստանում, Անդրկովկասում և Կասպից ծովի շուրջ ստեղծված իրավիճակը:
Նախատեսվում է երկկողմ օրակարգի քննարկում, առաջին հերթին՝ առևտրատնտեսական բաղադրիչների համատեքստում՝ էներգետիկայի ու տրանսպորտի ոլորտում, ինչպես նաև գիտական, տեխնիկական, մշակութային և հումանիտար կապերի ստեղծման հեռանկարները:
Տաթև Ֆռանգյան
